Kataloniyaning «Barselona» va Italiyaning «Milan» klubi sobiq hujumchisi Samuel Eto’O Kamerunda YTHga uchradi.

Xabarda aytilishicha, Eto’O o'z avtomobilida yakshanba kuni to'y marosimidan qaytayotganda avtobus bilan to'qnashib ketgan.

Garchi, avtomobilning old qismi keskin shikastlangan bo'lsa-da, 39 yoshli Samuelni jiddiy jarohat olishiga avtomobilning xavfsizlik yostiqchalari yo'l qo'ymagan.

«Yo'l-transport hodisiga uchragan avtomashinada Samuel Eto’O bo'lgan. Men uning yaxshi ekanligini tasdiqlayman, chunki u bilan biroz avval gaplashdik. Shifokorlar unga yordam berishmoqda», — dedi kamerunlik jurnalist.

Ma'lum bo'lishicha, «Barselona» sobiq futbolchisi boshidan jarohat olgan.

Yo'l-transport hodisi natijasida halok bo'lganlar yo'q.