Kataloniyaning «Barselona» klubi Dortmundning «Borussiya»siga Usmon Dembelening transferi uchun mablag' to'lashda davom etmoqda.

«Ko'k-anorranglilar» nemis klubiga 5 million evro to'lab berganligi haqida Kicker nashri xabar tarqatmoqda.

Frantsiyalik futbolchi «Barselona» tarkibiga 2017 yili 105 million evro evaziga ko'chib o'tgandi, bonuslarni hisobga olgan holda bu transfer 148 million evroni tashkil qilishi mumkin. Ayni paytda kataloniyaliklar «Borussiya»ga 130 million evrodan ko'proq mablag' to'lashga ulgurishdi.

Yaqin vaqtlar ichida «Barselona» yana bonuslarning bir qismi sifatida "Borussiya"ga 5 million evro to'lab berishi kutilmoqda. Chunki, shartnomaga asosan Dembele "Barselona"ning rasmiy o'yinlarida 100 marta maydonga tushsa, kataloniyaliklar bonus to'lashlari kerak bo'ladi. 23 yoshli frantsiyalik futbolchi shu paytgacha 83 ta o'yinda maydonga tushishga ulgurdi.