«Barselona» bosh murabbiyi Ronald Kuman Chempionlar ligasi doirasida bo'lib o'tgan «Dinamo Kiev»ga qarshi o'yin (4:0) borasida o'z fikrini bildirib o'tdi.«Biz o'z maqsadimizga erishdik — pley-offga chiqdik. Taassurotlar ijobiy. Jamoa ko'p kuch sarfladi. Birinchi bo'limda vaziyatlardan foydalana olmagan bo'lsak, ikkinchi bo'limda yaxshi o'ynadik va maydonda hukmronlik qildik. Natijadan qoniqish hosil qildim. Jamoaviy o'yin menga yoqdi. Barcha sidqidildan mehnat qildi. Barcha futbolchilar o'yinga chanqoq edilar. Yoshlar o'zlarini yaxshi tomondan ko'rsatishdi. Taktik nuqtai nazardan yaxshi o'ynadik. Kontsentratsiyani yo'qotmadik va so'nggi daqiqaga qadar o'yinni nazorat qildik. Rotatsiya tufayli etakchilarga dam berib, jismoniy jihatdan yaxshiroq tayyorgarlikka egalarga imkon berdik. Ular ishonchni oqlashdi», – dedi Kuman.