«Barselona» bosh murabbiyi Ronald Kuman Ispaniya chempionatining 11-turi doirasida bo'lib o'tgan «Osasuna»ga qarshi o'yin (4:0) borasida o'z fikrini bildirib o'tdi.O'yin haqida«Muhim g'alabaga erishdik, u bizga kerak edi. Yil oxirigacha 6ta o'yinimiz qoldi va ularning barchasida g'alaba qozonib, chempionatda ko'tarilishni istaymiz. Bugun ko'p vaziyat yaratdik va ulardan foydalandik. Xursandman». La ligadagi vaziyat haqida«Vaziyat biz uchun murakkab, ochkolarimiz kam. Yil oxiriga qadar qiyin taqvim kutib turibdi. Endi mag'lub bo'lishga haqimiz yo'q. «Real»ning kechagi mag'lubiyati o'yin o'xshamasa, jamoa qanday qiyin ahvolga tushib qolishini ko'rsatib berdi. «Atletiko» esa kuchli. Mavsum uzun, hamma narsa ro'y berishi mumkin».Grizmann haqida«Bugun u juda yaxshi o'yin namoyish etdi. U bizga kerakli o'yinchi. U kurashmoqda, ishlamoqda va samarali harakat qilmoqda. Grizmann o'zgarmadi. U hamisha bor kuchi bilan o'ynaydi. Bugungi gol unga ishonch bag'ishlaydi».O'z golini Maradonaga bag'ishlagan Messi haqida«Leo bunga tayyorgarlik ko'rganini bilmagandim, lekin undan bunday narsani kutish mumkin edi. Ajoyib xatti-harakat, ta'sirli vaziyat», – dedi Kuman.