Londonning "Arsenal" klubi futbolchisi Nikolya Pepe faoliyatini Kataloniyaning "Barselona" klubida davom ettirishi mumkinligi haqida TodoFichajes nashri xabar tarqatmoqda.

Manbaning yozishiga qaraganda, "kanonirlar" o'zining ivuarlik hujumchisi bilan 40 million evro evaziga xayrlashishga tayyor.

Kataloniyalik o'z hujum chizig'ini kuchaytirish niyatida va yaqin vaqtlar ichida ushbu bitimni amalga oshirish uchun dastlabki qadamni tashlamoqchi.

25 yoshli Pepe joriy mavsum "Arsenal" tarkibida 14 ta uchrashuv o'tkazdi va 4 ta gol kiritib, ikkita golga assistentlik qildi. "Arsenal" bir yarim yil avval Pepeni 80 million evroga sotib olgandi.