"Nyuellz Old Boyz" klubi prezidenti Eduardo Bermudes "Barselona" sardori Lionel Messining kechagi golni nishonlashini maqtadi.

Eslatib o'tamiz, Messi "Osasuna" darvozasiga kiritgan golini Argentina klubi libosida nishonladi.

Shu tariqa, Messi kuni kecha vafot etgan Diego Maradonani xotirladi. Maradona 1993 yili aynan "Nyuellz Old Boyz" klubida to'p surgan. Oradan ikki yil o'tgach, ya'ni 1995 yili Lionelning o'zi aynan shu klubning yoshlar jamoasida o'ynagan.

"Messi golni shu tarzda nishonlashiga shubha qilmagandim. Bu juda ajoyib bo'ldi. Umid qilamanki, bir kun kelib Messi jamoamiz tarkibiga qaytadi, chunki biz uchun qattiq yaxshi ko'ramiz. Lionel "Nyuellz", Rosario va butun Argentina uchun juda qadrli", - Bermudesning so'zlaridan iqtibos keltirmoqda AS nashri.