"Barselona" prezidenti vazifasini bajaruvchi Karles Tuskets hujumchi Lionel Messini sotish haqidagi fikriga izoh berib o'tdi.Eslatib o'tamiz, avvalroq Tuskets: "Iqtisodiy nuqta nazardan men Messini yozda sotib yuborgan bo'lardim", deya gapirgandi."Men Messini sotgan bo'lardim, deb gapirmadim. Men shunchaki iqtisodiy nuqta nazardan uning ketishi foydali bo'lishi mumkinligini nazarda tutdim. "Barsa" brendi bir o'yinchiga bog'liq emas.Agar kerak bo'lsa, men buni Kumanga tushuntirib berishga tayyorman. Mening so'zlarimni noto'g'ri tarjima qilishdi. Men o'z so'zlarimni tushuntirib berish uchun Messi bilan ham gaplashishga tayyorman. Ushbu vaziyatdan boshlab men OAVdan o'zimni cheklayman", - dedi Tuskets.