Argentinalik yulduz klub miqyosida urilgan gollar bo'yicha qirol Pelega yaqinlashib oldi. Messida hozircha 641 ta gol mavjud va mashhur afsona rekordini takrorlash uchun yana ikkita gol kifoya qiladi. Unda bugun ushbu natijani amalga oshirish uchun yaxshigina imkoniyat mavjud: «Barselona» bugun tunda «Kadis» bilan bahs olib boradi.

Shuningdek, Leo Pelening bir rekordini yangilashga ham ulgurgan. Klub miqyosidagi bitta mavsumlik sermahsullik borasida u 11/12 yilgi mavsumda 73 ta gol urib Peleni (66) ortda qoldirgan.

Umumiy gollar soni bo'yicha esa Messi hozircha 712 gol bilan 4-o'rinda bormoqda.