Ispaniyalik hakam Anduxar Oliver Chempionlar ligasi guruh bosqichining 6-turi doirasida bo'lib o'tgan «Barselona» - «Yuventus» o'yinida belgilangan birinchi penalti borasida o'z fikrini bildirdi.Eslatib o'tamiz, bahsning 13-daqiqasida mezbonlar jarima maydoni ichida "Barsa" himoyachisi Ronald Arauxo va turinliklar forvardi Krishtianu Ronaldu o'rtasidagi to'qnashuv tufayli referi penalti nuqtasiga ishora qildi. "Bu penalti emas. Arauxo va Ronaldu o'rtasida kurash kechayotgan edi. Bu qoidabuzarlik emas. VAR hech narsa qila olmadi. Chunki o'yinchilar o'rtasida kontakt bor edi", - dedi Oliver "Marca" nashriga bergan intervyusida.Eslatib o'tamiz, 35 yoshli Ronaldu kechagi o'yinda penaltidan 2tadan gol urib, jamoasiga g'alaba keltirdi.