Ispaniya chempionatining 13-turi doirasida «Barselona» o'z maydonida «Levante»ni qabul qilib, qiyin g'alabani qo'lga kiritdi.Bahs davomida tashabbus va hududiy ustunlik "ko'k-anorranglilar" tomonida bo'ldi. Kataloniyaliklar raqib darvozasi tomon 24 marta zarba berishdi. Uchrashuvning 76-daqiqasida yo'llangan 22-zarba golga aylandi. Mehmonlar o'yinchisi maydon markazida to'pni yo'qotishi oqibatida "Barsa" tezkor hujum tashkil qildi. De Yong tomonidan berilgan uzatma natijasida Messi darvozabon bilan yakkama-yakka vaziyatga chiqib ketdi va kuchli zarba bilan hisobni ochdi. O'yin so'ngida "Levante" hisobni tenglashtirishi mumkin. Olis masofadan yo'llangan zarbani ter Shtegen qaytarib, g'alabani saqlab qoldi."Barselona" mazkur g'alaba tufayli o'z ochkolarini 17taga etkazib, jadvalda 8-o'ringa ko'tarilib oldi. Ispaniya La ligasi, 13-turBarselona – Levante 1:0 (0:0, 1:0)Gol: 1:0 – 76 Messi. Barselona – ter Stegen, Arauxo, Langle, Dest, Alba, Koutino (Trinkau, 70), de Yong, Buskets (Pedri, 58), Breytueyt, Grizmann (Umtiti, 89), Messi.Levante – Fernandes, Klerk, Postigo, Koke (Miramon, 68), Vezu, Malsa, Melero (Leon, 82), Vukchevich (Radoya, 68), De Frutos (Son, 82), Roxer Marti (Morales, 68), Dani Gomes.Ogohlantirishlar: Vukchevich (42), de Yong (49), Breytueyt (87).