Ispaniya chempionatining 14-turi doirasida «Barselona» o'z uyida «Valensiya»ni qabul qilib, g'alabani qo'ldan chiqardi.Kataloniyaliklar bahsni katta ustunlik bilan boshlagan bo'lsalar-da, bahsning 29-daqiqasida "ko'rshapalaklar" hisobni ochishdi. Burchakdan etkazilgan uzatmani Diakabi bosh bilan ter Shtegen qo'riqlayotgan darvozaga joylab qo'ydi.Birinchi bo'limga qo'shib berilgan daqiqalarda "Valensiya" darvozasi tomon penalti belgilandi. Messining zarbasini Domenek qaytardi. To'pga birinchi bo'lib Alba etib keldi va zarba berdi. Rekoshet holatida yuqoriga ko'tarilgan to'pni Messi bosh bilan darvozaga joylab qo'ydi.Ikkinchi bo'limda boshida "ko'k-anorranglilar" himoyachisi Ronald Arauxo "qaychi" uslubidagi zarba bilan "Barsa"ni oldinga olib chiqdi.Uchrashuvning 69-daqiqasida "Valensiya" hujum tashkil qildi va Maksi Gomes hisobni tenglashtirdi. Mazkur hisob o'yinda boshqa o'zgarmadi. Ushbu durangdan keyin "Barselona"ning ochkolari 21taga etdi. Ispaniya La ligasi, 14-turBarselona – Valensiya 2:2 (1:1, 1:1)Gollar: 0:1 – 29 Diakabi, 1:1 – 45+4 Messi, 2:1 – 52 Arauxo, 2:2 – 69 Maksi Gomes. Barselona – ter Stegen, Alba, Arauxo, Dest, Mingesa, Buskets (de Yong, 46), Koutino (Langle, 79), Pedri (Pyanich, 86), Messi, Breytueyt, Grizmann (Trinkau, 73).Valensiya – Domenek, Diakabi, Gabriel Paulista, Gayya, Vass, Soler, Musa (Aleks Blanko, 42), Cherishev (Li Kan In, 90), Rachich, Gedesh (Valexo, 87), Maksi Gomes.Ogohlantirishlar: Grizmann (13), Gayya (45), Aleks Blanko (45), Mingesa (56), Alba (90), Langle (90).