«Barselona» rahbariyati hujumchi Lionel Messiga hozircha yangi shartnoma taklif qilmadi. Bu haqda Ispaniya matbuoti xabar tarqatdi."Barsa" prezidentligi uchun o'z nomzodini qo'yganlar Messini klubda olib qolishga va'da berayotgan bo'lsalar-da, ular hozircha Messi bilan gaplashishmadi. Bundan tashqari, manbada aytilishicha, boshqa klublar argentinalik futbolchiga aniq taklif bilan chiqishmadi. Avvalroq Messi yozda «Manchester Siti» yoki "PSJ"ga o'tishi mumkinligi haqida xabar tarqalgan edi.