Braziliyaning «Santos» klubi Lionel Messining rekordi borasida bayonot bilan chiqdi. Eslatib o'tamiz, argentinalik futbolchi «Barselona» safida 644ta gol urib, bir jamoa safidagi gollar soni bo'yicha Pelening rekordini yangilagan edi. «Santos»ning ta'kidlashicha, Pele braziliyaliklar safida 1091ta gol urgan. Klub futbolchining o'rtoqlik o'yinlarida urgan 488ta golini ham qo'shib hisoblagan. Jamoaning fikricha, o'rtoqlik bahslaridagi gollar ham muhim ahamiyatga ega. Pele nazorat o'yinlarida «Kolo Kolo» (Chili), «Amerika» (Meksika), «Internatsionale» (Braziliya) kabi top-klublar darvozalarini ishg'ol qilgan.