Kataloniyaning «Barselona» klubi sardori Lionel Messi Values Award 2020 sovrinini qo'lga kiritdi.

Argentinalik futbolchi Kataloniyadagi Sant Joan de Deu kasalxonasida dunyodagi eng katta bolalar onkologik markazi qurilishiga xayriya qilgani uchun ushbu sovringa loyiq deb topildi.

«Barselona»ning sobiq yarim himoyachisi Xavi ham «faoliyati davomida adolatli o'yinlarni targ'ib qilgani uchun» ushbu mukofotni qo'lga kiritdi.

Values Award Ispaniyaning Diario Sport nashri tomonidan tashkil qilingan. Hakamlar hay'ati tarkibiga Ispaniya olimpiya qo'mitasi prezidenti Alexandro Blanko va La Liga prezidenti Xaver Tebaslar kiradi.