Yozda erkin agentga aylanadigan Lionel Messi boshqa klublar bilan muzokaralar o'tkazish imkoniyatiga ega. Liga-1 taraflardan bir jamoa Messining xizmatlariga qiziqish bildirmoqda va sobiq «Barselona»chi Rivaldoning fikricha “Pari Sen-Jermen” argentinalik uchun eng yaxshi manzil bo'ladi.“Maurisio Pochettino boshchiligidagi «PSJ» klubi Lionel uchun yaxshi tanlov bo'ladi. Messi yana o'zining qadrdon do'sti Neymar bilan birgalikda o'ynashga yo'q deya olmaydi. Frantsiya chempionati La Liga yoki Primer-ligaga qaraganda kuchsizroq va Messi u erda muammolarsiz yana porlashni boshlaydi. Shu yo'l orqali u parijliklar bilan Chempionlar ligasining katta o'yinlarini yutishiga o'zida kuch topa olgan bo'lar edi”, — deydi 2002 yilgi Jahon chempioni.Rivaldo Messi transferining moliyaviy tomonlari haqida ham gapirib o'tdi.“O'ylashimcha, bu Messi uchun ajoyib imkoniyat. Frantsiya futboli uning transferi orqali media va turli xil homiylardan juda ko'p foyda ko'radi”, — deydi sobiq «Bunyodkor» futbolchisi.