«Barselona» bosh murabbiyi Ronald Kuman Ispaniya chempionatining 20-turi doirasida bo'lib o'tgan «Elche»ga qarshi o'yin (2:0) borasida o'z fikrini bildirib o'tdi.«Raqibda deyarli imkoniyat bo'lmadi. Markaziy himoyachilarimizning qo'pol xatosi tufayli «Elche»da bitta imkoniyat yuzaga keldi. Ter Shtegen esa yakkama-yakka vaziyatda ajoyib harakat qildi. Yaxshiyamki, ixtiyorimizda yaxshi darvozabon bor, aks holda hisob tenglashishi mumkin edi. O'sha xatoni inobatga olmaganda, himoyada yaxshi o'ynadik. Bugungi o'yinda eng yaxshi jihatimiz — pressing va to'psiz o'yin bo'ldi. Biz mazkur g'alabaga haqli ravishda erishdik», – dedi Kuman.