"Barselona" himoyachisi Jerar Pike 21 noyabr kuni bo'lib o'tgan "Atletiko"ga qarshi o'yinda jiddiy jarohat olgan edi. "Mundo Deportivo" tarqatgan xabarga ko'ra, ispaniyalik futbolchining tiklanish jarayoni yaxshi tempda ketmoqda. Uning tiklanishi uchun to'rt oy ketishi aytilgandi. Ammo Jerar kutilganidan tezroq safga qaytishi kutilmoqda. Shunga qaramay, Pike "Barsa" safida 16 fevral kuni bo'lib o'tadigan "PSJ"ga qarshi dastlabki o'yinda ishtirok etmaydi.