"Barselona"ning sobiq futbolchisi Rivaldo "ko'k-anorranglilar" hujumchisi Lionel Messining kelajagi borasida o'z fikrini bildirib o'tdi. "Kambekni amalga oshirishi mumkin bo'lgan futbolchi "Barselona" safida yo'q. Endi vaziyatni o'zgartirib bo'lmaydi. Katta ehtimol bilan "PSJ"ga qarshi o'yin Messining EChL doirasida "Kamp Nou"dagi so'nggi uchrashuvi bo'ldi. Klub kattaroq sovrin uchun unga umid bera olmaydi. Messining kelajagi — "PSJ"da, ayniqsa, u parijliklarning "Kamp Nou"dagi o'yinini ko'rganidan so'ng. "PSJ" esa unga sovrin yutish uchun imkon beradi.Messi yillar davomida jamoani elkasida ko'tarib keldi. Uning eng yaxshi jamoadoshi "Atletiko"ga o'tib ketdi. Bu g'alati transfer madridliklarni kuchaytirdi", - dedi Rivaldo.