«Barselona» sardori Lionel Messi hozircha o'zining kelajagi borasida bir qarorga kelmadi. "Marca" tarqatgan xabarga ko'ra, argentinalik futbolchi uchun muhimi — pul emas, ambitsiyali sport loyihasi. Agar jamoaning yangi prezidenti klubning sovrinlar uchun kurasha olishiga kafolat bersa, u "Barsa"da qolishi mumkin.Shuningdek, nashrda aytilishicha, Messi bilan 2017 yilda tuzilgan shartnomadagi 555 million evroga teng raqamlarni futbolchining o'zi talab qilmagan. Kelishuvdagi ko'p bandlarni klubning o'zi taklif qilgan.Eslatib o'tamiz, Messining "Barselona" bilan shartnomasi joriy mavsum oxirida yakuniga etadi. U mazkur mavsumda barcha musobaqalar doirasida 31ta uchrashuvda maydonga tushib, 23ta gol urdi va 8ta golga uzatma berdi.