«Barselona» hujumchisi Lionel Messi Ispaniya chempionatining fevral oyidagi eng yaxshi futbolchisi deb topildi. 33 yoshli futbolchi o'tgan oyda 5ta o'yinda maydonga tushib, 7ta gol urdi va ikkita golga uzatma berdi. Messi La liganing joriy mavsumida 19ta gol bilan to'purar ro'yxatidan peshqadamlik qilmoqda. Oyning eng yaxshi futbolchisi sovriniga Aleksandr Isak («Real Sosedad»), Yassin Bunu («Sevilya»), Tibo Kurtua («Real»), Aleks Berenger («Atletik»), Nabil Fekir («Betis») va Xose Luis Morales («Valensiya») ham da'vogarlik qilishgandi.