«Bavariya» va Germaniya terma jamoasining sobiq himoyachisi Filip Lam Lionel Messining o'sishida hozirda «Manchester Siti»da faoliyat olib borayotgan Pep Gvardiolaning rolini yuqori baholadi.

«Gvardiola hattoki noyob iste'dod egasi uchun pozitsiya yaratgan. U Messini qaytadan markaziy hujumchi sifatida kashf etgan. Gvardiola bilan ishlash Messini dunyoning eng yaxshi futbolchisi qildi.

Gvardiola katta o'yinlar natijasini katta o'yinchilar hal qilishini biladi. Individual mahorat evaziga keladigan yaratuvchanlik chizmalardan ko'ra muhimroq.

Pep Gvardioa o'yinchilariga nisbatan adolatli bo'lgan, Pep ularning ham do'sti, ham xizmatchisi edi», — dedi Lam.