«Barselona» himoyachisi Jerar Pike Ispaniya chempionatining 35-turidan o'rin olgan «Atletiko»ga qarshi uchrashuvdan(0:0) so'ng, fikr bildirdi.

«Biz bundan yaxshi natijaga umid qilgandik. «Barcelona» yaxshi o'ynadi, bizda ustunlik qilish uchun ko'proq imkoniyatlar mavjud edi. Afsuski, hammasi bizga bog'liq emas, lekin unvon uchun kurash davom etmoqda.

«Atletiko» himoyaviy o'yin namoyish etish borasida chempionatning eng yaxshi jamoasi, shu sababli ular eng kam gol o'tkazib yuborgan, ularga qarshi vaziyat yaratish qiyin. O'yinning ayrim bosqichlarida biz ustunlik qildik, boshqalarida esa ularnu yaxshiroqligi ko'zga tashlandi.

Agar «Real Madrid» to'rtta o'yinda ham g'alaba qozonsa, ular chempion bo'lishadi. Biz uchta o'yinda ham g'alaba qozonishimiz kerak, shunda bizda ham imkoniyat bo'ladi. Bizning maqsadimiz oxirigacha kurashish va biz aynan shunday qilamiz.

Bizning bunday vaziyatga tushib qolishimizga, mavsum davomida maksimal darajani namoyish etmaganimiz sababchi. Garchi so'nggi oylarda biz ajoyib futbol namoyish etayotgan bo'lsakda», - deydi ispaniyalik himoyachi.

Ma'lumot uchun, «Barcelona» 35 o'yinda 75 ochko to'plagan va Ispaniya chempionati turnir jadvalida 77 ochko jamg'argan Atletikodan keyin ikkinchi o'rinda bormoqda. Uchinchi pog'onada esa 74 ochkosi mavjud «Real Madrid»