«Barselona» ustozi Ronald Kuman klub rahbariyati bilan uchrashdi.

ESPN xabariga ko'ra, Kuman Barselona markazidagi restoranda prezident Xuan Laporta va vitse-prezident Rafael Yuste bilan ikki soatdan ortiq suhbatlashgan.

Qayd etilishicha, uchalasi ham tabassum bilan muassasadan chiqib ketishgan. Laporta, bu uchrashuv murabbiy va prezidentning muntazam suhbati bo'lganini aytgan bo'lsa, niderlandiyalik mutaxassis suhbat juda ko'tarinki va yaxshi muhitda o'tganini ta'kidlagan.

Oldinroq Kuman mavsum oxirida «Barsa»dan ketishi mumkinligi haqida xabarlar tarqalgan edi.