«Barselona» Ispaniya chempionati doirasida ketma-ket uchinchi o'yinda g'alaba qozona olmay, sovrin uchun kurashda safdan chiqdi. Kataloniyaliklar bu safar o'z maydonlarida "Selta"ni qabul qilib, imkoniyatni boy berishdi.Uchrashuvning 28-daqiqasida Lionel Messi hisobni ochdi. Ammo oradan 10 daqiqa o'tib Santi Mina muvozanatni tikladi. Ikkinchi bo'limda Kuman shogirdlari bir nechta imkoniyatlardan foydalana olishmadi. Bahsning 83-daqiqasida Langle ikkinchi sariq kartochkani olib, maydonni tark etdi. Uchrashuvning asosi    y vaqti tugashiga bir daqiqa qolganida esa yana o'sha Santi Mina "Barsa" darvozasini ishg'ol qilib, kataloniyaliklarni chempionlik uchun kurashdan chiqarib yubordi. Ispaniya La ligasi, 37-turBarselona – Selta 1:2 (1:1, 0:1)Gollar: 1:0 – 28 Messi, 1:1 – 38 Santi Mina, 1:2 – 89 Santi Mina. Barselona – ter Stegen, Pike (Dest, 64), Arauxo, Langle, Alba, Moriba (Pyanich, 86), Buskets, Dembele (Trinkau, 70), Pedri (Puch, 46), Messi, Grizmann (Breytueyt, 70).Selta – Vilyar, Arauxo, Aaron Martin, Vaskes, Dominges, Mendes, Beltran (Sotelo, 90), Denis Suares, Nolito (Solari, 69), Santi Mina, Aspas (Baesa, 78).Ogohlantirishlar: Dominges (51), Puch (56), Langle (73).Chetlatish: Langle (83).