«Barselona» himoyachisi Jordi Alba La Liganing 37-turida «Selta»ga qarshi o'yindan (1:2) so'ng o'z fikrlarini bildirdi.

«Birinchi bo'limni juda yaxshi o'tkazdik, raqibda deyarli imkoniyat yo'q edi. Ammo ular baribir jarima maydoni tashqarisidan gol urdi. Shundan so'ng, vaziyat nazoratdan chiqib ketdi.

Biz to'rtta muhim o'yinda g'alaba qozona olmadik - bu sharmandalik. Bunda albatta biz futbolchilar aybdormiz. Biz muhim pallalarda g'alabaga erisha olmadik.

Umid qilamanki, bu Messining «Kamp Nou»dagi so'nggi o'yini emas. Garchi so'nggi qaror unga bog'liq bo'lsa ham», - deydi Alba.