"Barselona" va Frantsiya terma jamoasi hujumchisi Usmon Dembele chap tizzasidan olgan jarohati tufayli muvaffaqiyatli operatsiya qilindi, deya xabar beradi klub rasmiy sayti.

Ma'lumot uchun, hujumchi Evro-2020da terma jamoa safida jarohat olgan edi. Futbolchining tiklanish muddati to'rt oydan olti oygacha davom etadi.

Dembele - "Barselona" tarixidagi eng qimmat transferlardan biri hisoblanadi. U klubga 2017-yilda "Borussiya Dortmund"dan kelib qo'shilgan. Bonuslarni hisobga olmaganda transfer summasi 135 million evroni tashkil qildi.

O'tgan mavsum 24 yoshli Dembele "Barselona" tarkibida barcha turnirlarda 44 uchrashuv o'tkazdi, 11 gol urdi va beshta golli pas berdi. Uning klub bilan shartnomasi 2022-yilning yozigacha amal qiladi.