Angliya terma jamoasining sobiq futbolchisi Gari Lineker Argentina sardori va hujumchisi Lionel Messining Amerika kubogida ko'rsatayotgan o'yinlari haqida gapirdi.

"Amerika kubogida Messidan yana bir jarima zarbasi. 4 ta gol, 4 ta golli uzatma. Messi shunchaki Messi", - deb yozdi Lineker o'zining tvitter sahifasida.

Eslatib o'tamiz, Messi kecha Amerika kubogi chorak finalida Ekvador terma jamoasi darvozasiga mazkur musobaqadagi o'zining ikkinchi jarima zarbasidan golini urdi. U turnirning eng yaxshi to'purarlari ro'yxatida birinchi o'rinda turadi.

Yarim finalda Argentina Kolumbiyaga qarshi o'ynaydi.