«Barselona» maoshlarni kamaytirish borasida etakchi futbolchilari bilan kelisha olmadi.

"ESPN" o'z manbalariga tayanib xabar berishicha, «Barsa» direktori Mateu Alemani Serxio Buskets, Jordi Alba va Serxi Roberto agentlari bilan maoshni qisqartirish to'g'risida muzokaralar olib borgan, ammo futbolchilar bunga rozi bo'lmagan.

Kataloniya klubi futbolchilarining umumiy maoshi ayni damda La Liga qo'ygan chegaradan o'tib ketmoqda. Shu sababli, «Barsa» Lionel Messi, Serxio Aguero, Memfis Depay va Erik Garsiya kabi futbolchilarni yangi mavsum uchun ro'yxatdan o'tkaza olmasligi mumkin.