"Barselona" yarim himoyachisi Miralem Pyanich "Yuventus"ga qaytishi mumkin.

Diario Sport nashrining xabar berishicha, bosniyalik futbolchi bir yillik ijara asosida "Yuve"ga o'tmoqchi. Qayd etilishicha, muzokaralar muvaffaqiyatli yakunlangan taqdirda futbolchining maoshi kamayadi va shartnomani yana bir mavsumga uzaytirish imkoniyati to'g'risidagi band ham kiritiladi. Pyanichning o'zi Ronald Kumanning yangi mavsumdagi rejalariga kiritilmaganligini tushunadi va oyligini kamaytirishga rozi bo'lib, jamoani tezroq tark etishni xohlamoqda.

Pyanich oldin ham "Yuventus"da o'ynagan. Futbolchi turinliklar safida 178 uchrashuv o'tkazgan, 22 gol urgan va 41 golli pas bergan.