Gollandiyada 13 yoshli bolaga stadionga tashrif buyurish taqiqlandi.

Bu qaror mamlakat futbol assotsiatsiyasi tomonidan qabul qilingan. Qayd etilishicha, bola Eyndxovenda bo'lib o'tgan Gollandiya-Chernogoriya uchrashuvining 89-daqiqasida Memfis Depay bilan selfiga tushish uchun maydonga yugurgan.

Bolaga 100 evro jarima solindi va 5 yil stadionga tashrif buyurish taqiqlandi.

Boladan tashqari yana 15 kishi maydonga yugurib chiqqan. Bu odamlar ham 5 yil stadion tribunalariga tusha olmaydi.