Argentina terma jamoasining jismoniy tayyorgarlik bo'yicha sobiq murabbiyi Fernando Sinorini vatandoshi Lionel Messining «Barselona»dan «PSJ»ga o'tishi borasida o'z fikrini bildirib o'tdi.– Messining terma jamoadagi kelajagi borasida nima deya olasiz? Uning «PSJ»ga o'tishiga fikringiz qanday?

– O'ylashimcha, bu ajoyib tanlov. Axir Leo jahon chempionatiga yaxshi jismoniy forma va to'g'ri ishtiyoq bilan kelishi kerak. Agar u «Barselona»da qolganida, o'zining saviyasiga mos bo'lmagan jamoada o'ynashiga to'g'ri kelardi. Hozirgi kunda «Barsa» avvalgi saviyada emas. Ishonchim komil, Leo «PSJ» safida o'z orzularini amalga oshirish uchun ko'proq imkoniyatga ega bo'ladi. Bu esa unga JCh-2022ga yuqori kayfiyatga kelish uchun yordam beradi. Albatta, buning uchun yaxshi natijalar kerak.