Frantsiyalik hujumchi Kilian Mbappe “el-klasiko”da “Barselona” darvozasiga yana bir bor gol urdi. Uning goli “Real Madrid”ga La Liganing 10-turidagi bahsda 2:1 hisobida g'alaba qozonishda yordam berdi.

Bu gol Mbappe uchun kataloniyaliklar darvozasiga 9 uchrashuvdagi 12-gol bo'ldi. Shu tariqa u XXI asrda “Barselona”ga eng ko'p gol urgan futbolchilar orasida uchinchi o'rinni egalladi.

Undan faqat ikki nafar futbolchi ko'proq gol urgan:

Krishtianu Ronaldu — 34 o'yinda 20 gol,

Karim Benzema — 46 o'yinda 16 gol.

Joriy holatga ko'ra, “Real Madrid” 10 turdan so'ng 27 ochko bilan La Liganing etakchisiga aylandi. “Barselona” esa 22 ochko bilan ikkinchi o'rinda qoldi.