Angliyaning «Manchester Yunayted» klubi yarimhimoyachisi Pol Pogba kelasi yozda faoliyatini «Barselona»da davom ettirishi mumkin, deya xabar beradi "Fichajes" nashri. Manbaga ko'ra, kataloniyaliklar futbolchini erkin agent sifatida sotib olishga harakat qilishadi.

Avvalroq, futbolchiga «Real» va PSJdan ham qiziqishlar bo'layotgani haqida xabarlar tarqalgandi. Biroq futbolchining o'zi hali kelajagi borasida aniq qaror qabul qilmagan. U ayni dam Sulsher qo'l ostida ishlashga qarshi emas.

Eslatib o'tamiz, Pogba 2016 yili «Yuventus»dan 105 million evro evaziga MYuga ko'chib o'tgan edi. U joriy mavsum APLda 4 ta o'yin o'tkazib, 7 ta golli uzatma amalga oshirdi.