"Barselona" bosh murabbiyi Ronald Kuman klubning iqtidorli hujumchisi Ansumane Fatining oktyabr oyidagi o'yinlar uchun Ispaniya terma jamoasiga chaqirilishi mumkinligi haqida fikr bildirdi.

"Men Ispaniya terma jamoasining murabbiyi emasman, shuning uchun bu haqida hech narsa bilmayman. Fatining oldida uzoq mavsum bor. U "Levante" bilan 15 daqiqa ajoyib o'ynadi va mavsumdagi birinchi golini urdi. Aytishim mumkin bo'lgan yagona narsa, u hali to'liq o'yin o'tkazishga tayyor emas.

Eslatib o'tamiz, 18 yoshli futbolchi jiddiy jarohati tufayli bir yilga yaqin muddatni maydon tashqarisida o'tkazib yubordi. 26 sentyabr kuni La Ligada "Levante"ga qarshi o'yinida (3:0) zahiradan maydonga tushdi va qaytishini gol bilan nishonladi.