Marca xabariga ko'ra, "Xetafe" qishki transfer oynasida "Barselona" yarim himoyachisi Karles Alenyani ijaraga olishga yaqin.

Oldinroq, kataloniyaliklar rahbariyati ham futbolchini saqlab qolish niyatida emasligi, ammo yarim himoyachining boshqa klubda o'yin amaliyotini o'tashini istayotgani haqida xabar berilgandi.

Alenyaning kataloniyaliklar bilan amaldagi shartnomasi 2022-yilning iyunida tugaydi. Ushbu mavsumda yarim himoyachi "Barselona" safida atigi bitta uchrashuv o'tkazdi.