Ushbu mavsum PSJning yulduzli triosi atrofida katta shov-shuv bo'ldi — ularning barchasi Mbappe bilan bog'liq: ba'zida penalti sabab Neymar bilan tortishadi, ba'zida unga emas, Messiga pas berishganda shunchaki o'ynashni to'xtatadi.

Yana bir yorqin dalil: Mbappe hujumdagi sheriklariga shunchaki assistlar qilmaydi. Messi va Neymar Kilian uchun barcha musobaqalarda 8ta golni tashkillashtirishgan (yana 5ta bir-biriga), ammo tizimning teskari tarafga ishlamayapti.

Hozircha muammoni echishning uddasidan chiqilgani yo'q — buni Kristof Galtening harakatlari yaqqol ko'rsatadi. Uning 9 sentyabrdagi intervyusidan so'zlar: "Ney va Kilian bir-birini juda yaxshi tushunadi. Men javobdan qochmayman. Ular birgalikda mashg'ulotlar olib borishadi, tez-tez birgalikda qiziq mashqlarini qilishadi ham. Ishonamanki, Kilian Neymarga ko'proq hal qiluvchi paslar beradi, Kilian ham Ney uchun shunday qilishga qodir.

13 sentyabrda esa Goal'dan insayd chiqdi — Neymar va Mbappe o'rtasidagi mojaro hal etilmadi. Galte shunchaki ulardan buni ommaviy tarzda ko'rsatmaslikni so'radi. Braziliyalikni haligacha Kilianning o'zini o'ylashi yoqmayapti. "Yuventus" bilan o'yindagi holatdan so'ng bunday bo'lgani hayratlanarli emas.

Mbappe jarima maydonchasi ichiga yorib kirdi va darvozaning o'tkir burchagi tomon zarba berdi, garchi qanotdan Neymar yorib kirib bo'lgan bo'lsa ham. Kilian esa hatto aniq zarba ham bera olmadi.

Neyning reaktsiyasi tushunarli.

Shunisi ma'lumki, hozircha PSJda Mbappedan hech kim assist qabul qilib olmadi — Liga 1dagi 7ta o'yin va ikkita Chempionlar Ligasi bahsida. Shu bilan birga, Messi va Neymar chempionatda 7tadan assist qayd etishdi (top-5 ligalaridagi eng yaxshi ko'rsatkich) va bittadan ChLda (Ney — "Yuve"ga qarshi, Messi esa "Makkabi"ga qarshi o'yinda).

Barchasini yangi shartnoma "buzib yuborgandek" — sababi Mbappe o'tgan mavsum hujumda sheriklari bilan faol "muloqot" qilgan. Har ikki mavsumdagi statistika juda yaxshi (joriy mavsum Kilian hali assist qayd etmadi): frantsuz Messi va Neymarga ular bir-biriga berganidan ko'proq pas bergan.

PSJning hujumkor chizig'i tez-tez yangi MSN deyiladi, ammo Messi — Suares — Neymar bog'lamida hech kim qizg'anchiq emasdi.

Assistlar soni bo'yicha ham MMN oqsamoqda.

Garchi joriy mavsumni uchlikning barchasi yaxshi boshlagan bo'lsa ham.

MMNda statistikani tenglashtirish va "Barselona"dagi aloqaga etish uchun yozgacha vaqt bor (Messining PSJ bilan shartnomasi 2023 yilda yakuniga etadi). Ammo, buning uchun Mbappe ham pas berishi kerak.

Alisher Ostonov tarjimasi