Uni o'z safida ko'rishni istaydigan jamoalar orasida "Barselona", "Arsenal" va "Chelsi" ham bor. Biroq 27 yoshli futbolchining o'zi Italiyaning "Yuventus"ida o'ynashni orzu qiladi. Grimaldoning shartnomasi 2023 yilning iyun oyida o'z nihoyasiga etadi va "Benfika" bosh murabbiyi Rojer Shmidt ispaniyalik futbolchini saqlab qolishni istasa-da, uni yangi loyiha chaqirig'i o'ziga og'dirib olishi mumkin. 

Uning fikricha: "Umid qilamanki, u albatta qoladi. Lekin bular futbolning bir bo'lagi bo'lgan vaziyatlar. Imkonim bo'lganida, undan "Benfika"da ko'p yillar qolishini so'ragan bo'lardim. U bir qarorga kelishga majbur bo'ladi".

"Arsenal" va "Chelsi"ning qiziqishi Shmidtning xavotirlarini kuchaytirmoqda. U takliflardan birortasini qabul qilsa, yangi jamoasiga erkin agent sifatida borib qo'shilishi mumkin.