"Barselona" hujumchisi Memfis Depay faoliyatini Rimning "Roma"sida davom ettirishi mumkin.

Tuttosport nashri tarqatgan xabarlarga ko'ra, "Roma" Depayni yanvarda ijaraga olishi mumkin. Hujumchining maoshini Rimliklar mavsum oxirigacha to'laydi. Futbolchining “Barsa” bilan shartnomasi yozda tugashi bilan “Roma” u bilan erkin agent sifatida shartnoma imzolashni rejalashtirmoqda.

28 yoshli Depay Transfermarkt portalida 20 million evroga baholangan. U joriy mavsum jami 11 ta o'yinda 5 ta gol urib, 1 ta assist amalga oshirgan.

Memfis 2021 yil yozida "Lion"ni erkin agent maqomida tark etib, kataloniyaliklar bilan 2 yillik shartnoma imzolagandi.