"Barselona" yarim himoyachisi Serxio Buskets shu mavsum oxirida tugaydigan shartnomasini uzaytirishi mumkin.

Mundo Deportivo nashri xabariga ko'ra, yarim himoyachi rahbariyatdan kelajagi borasida bir qarorga kelish uchun bir necha kun o'ylab ko'rishlarini so'ragan.

Manbaning xabariga ko'ra, Buskets avvalroq klubni mavsum yakunida tark etishni va faoliyatini MLSda davom ettirishni istayotgani haqida ma'lum qilgan. Biroq, so'nggi paytlarda Serxio qolish va "ko'k-anorranglilar" bilan shartnomani uzaytirish haqida o'ylamoqda.

Eslatib o'tamiz, 34 yoshli Buskets "Barselona"ning eng ko'p maosh oluvchi futbolchilaridan biri bo'lib, rahbariyat undan maoshini kamaytirishni so'ramoqda.