«Palmeyras» hujumchisi Endrik «Real» bilan shartnoma imzolagach, ilk taassurotlari bilan o'rtoqlashdi.Kelishuvga ko'ra, 16 yoshli futbolchi 2024 yilda balog'atga etgach, "Qirollik klubi" safiga borib qo'shiladi. «Men «Palmeyras»ga minnatdorchilik bildiraman, bu klub hamisha qalbimda. Hozirgi darajaga etishimda ushbu jamoa menga barcha kerakli narsalarni berdi hamda o'z orzu istaklarimni amalga oshirishda yordam berdi. Hozircha «Real» safiga qo'shilmayman, ko'proq gollar urib va g'alabalar keltirgan holda o'zimni «Palmeyras»ga bag'ishlashda davom etaman», — dedi Endrik.