"Barselona" bosh murabbiyi Xavi Ernandes Argentina va Frantsiya terma jamoalari o'rtasidagi jahon chempionati finali haqida o'z fikrlari bilan o'rtoqlashdi.

“Do'stim Lionel Messi uchun juda xursandman – tarixdagi eng yaxshi futbolchi sifatida u jahon chempionatida g'alaba qozonishga loyiq edi. Bu final barcha davrlarning eng yaxshilaridan biri hisoblanadi. Har ikki jamoa chempion bo'lishga loyiq. Jyul Kunde va Usmon Dembele yaxshi turnir o'tkazishdi, ular ham g'alaba qozonishga haqli edilar", - deya Xavining so'zlaridan iqtibos keltirmoqda ispan OAVlari.

Argentina terma jamoasi uchinchi marta jahon chempioni bo'ldi, Lionel Messi esa faoliyatida ilk bor jahon chempionati g'olibiga aylandi.