"Barselona"ning polshalik hujumchisi Robert Levandovski "Golden Foot" faxriy mukofotiga sazovor bo'ldi.

Bu mukofot har yili 28 yoshdan oshgan futbolchiga beriladi. G'olib jurnalistlar o'rtasidagi ovoz berish natijalariga ko'ra aniqlanadi. Ilgari u Krishtianu Ronaldu, Muhammad Saloh, Luka Modrich, Andres Inesta, Zlatan Ibrahimovich, Ronaldino, Andriy Shevchenko, Ronaldo va boshqa mashhur futbolchilarga topshirilgan.

34 yoshli Levandovski joriy mavsumda “Barselona” va Polsha terma jamoasi safida barcha musobaqalarda 28 ta o'yinda maydonga tushib, 21 ta gol urdi va 7 ta golli uzatmani amalga oshirdi.