Markaziy hujumchi Robert Levandovski "Barselona" sardori bo'lishga tayyormi yoki yo'qligini aytdi.

“Jamoa sardori bo'lasizmi? Men bu haqda umuman o'ylamagandim. Hozir barcha fikrlarim mavsumning ikkinchi yarmi haqida. Maydonda o'yinning borishiga ta'sir o'tkaza oladigan, qolaversa, yoshlarga yordam bera oladigan futbolchi bo'lish juda muhim", - deya xabar beradi Kataloniya klubi matbuot xizmati 34 yoshli polshalik to'purarning so'zlarini.

Robert "Barselona"ga 2022 yilning yozida kelib qo'shilgan edi. Levandovski joriy mavsumda barcha turnirlarda 28 ta o'yinda maydonga tushib, 21 ta gol urdi va 7 ta golli uzatmani amalga oshirdi. Uning shartnomasi 2026 yilgacha mo'ljallangan.