"Barselona" va Ispaniya terma jamoasining sobiq himoyachisi Jerar Pike futbolchilik faoliyatini davom ettirish arafasida, deb xabar beradi Relevo.

Manba bergan xabarga ko'ra, 35 yoshli ispaniyalik o'ziga tegishli bo'lgan "Andorra" klubida o'ynashni istamoqda. Uni to'xtata oladigan yagona narsa - bu jamoa o'ynaydigan Ispaniya chempionati ikkinchi divizionining moliyaviy qoidalari bilan bog'liq muammolar.

Pike 2022 yil oxirida faoliyatini yakunlagandi. U sakkiz karra Ispaniya chempioni, shuningdek, jahon va Evropa chempioni hisoblanadi. U 2018 yilning dekabrida "Andorra"ning egasiga aylandi.

"Andorra" Ispaniya chempionati ikkinchi divizioni turnir jadvalida 21 uchrashuvda 29 ochko bilan 10-o'rinda bormoqda.