"Barselona" bosh murabbiyi Xavi germaniyalik afsonaviy futbolchi Frants Bekkenbauerning vafoti haqidagi xabarga munosabat bildirdi. Eslatib o'tamiz, kecha, 8 yanvar kuni Bekkenbauer 78 yoshida vafot etgani ma'lum bo'ldi.

"Futbol ilohi. Abadiy hurmat va hayrat. Bardam bo'ling", - deb post qoldirdi Xavi ijtimoiy tarmoqlarda Bekkenbauerning suratini joylashtirgan holda.

Eslatib o'tamiz, Bekkenbauer futbolchilik faoliyati davomida Germaniyaning "Bavariya" va "Gamburg" klublarida, shuningdek, Amerikaning "Nyu-York Kosmos" klubida o'ynagan. Bekkenbauer Germaniya terma jamoasi tarkibida ham bir marta jahon chempioni va Evropa chempioni bo'lgan. 1990 yilda Germaniya terma jamoasi murabbiyi sifatida Bekkenbauer jahon chempionatida g'olib chiqdi.

19 turdan keyin "Barselona" 41 ochko bilan La Ligada uchinchi o'rinda bormoqda. "Real" chempionatda peshqadamlik qilmoqda (48 ochko).