"Barselona" yarim himoyachisi Frank Kesse mavsum oxirida jamoani tark etishi mumkin.

Sport nashri xabariga ko'ra, ivuarlik yarim himoyachi Ruben Nevesh evaziga "Vulverxempton"ga o'tishi mumkin.

Manbaga ko'ra, portugaliyalik futbolchining "Kamp Nou"ga o'tishi deyarli amalga oshdi, vaholanki, "Barselona" bosh murabbiyi Xavi Ernandes transferning maqsadga muvofiqligiga haligacha shubha qilmoqda. Shartnoma "Barselona" uchun arzonroqqa tushishi kerak, ammo Kesse "Vulverxempton"ga o'tishga rozi bo'lsa, ishlar ancha yaxshi kechishi mumkin.

Avvalroq, Kessening "Barselona"dagi pozitsiyasidan norozi ekani haqida xabarlar tarqalgan edi.