«Barselona» bosh murabbiyi Kike Seten «PSJ» hujumchisi Neymarning Kataloniyaga ko'chib o'tishi mumkinligi haqidagi xabarlarga izoh berdi."Ko'k-anorranglilar" ustozi yozgi transfer paytida jamoa Neymarni xarid qilmasligini aytdi. Shuningdek, Seten «Barselona» transferlar uchun katta pul sarflamasligini ta'kidladi.«Neymar 222 mln evro turadi? Yo'q, buning iloji yo'q. Yaqin orada bir o'yinchi uchun shuncha pul sarflaydigan jamoa borligiga ishonmayman», - dedi Seten "Gazzetta dello Sport"ga bergan intervyusida.