"Yuventus" chap qanot himoyachisi Jordi Albani "Barselona"dan ijaraga olishni ko'rib chiqmoqda. Bu haqda Sport.es nashri xabar bermoqda. Manbaga ko'ra, Turin klubi 33 yoshli futbolchining maoshining katta qismini to'lashga tayyor.

Avvalroq, 33 yoshli Alba o'z pozitsiyasida Aleks Baldega yutqazganiga qaramay, "Barselona"ni tark etish niyatida emasligi haqida xabar berilgandi. Ma'lum qilinishicha, klub Albani hech bo'lmaganda shartnoma oxirigacha (2024 yil yozi) o'z safida olib qolmoqchi.

Eslatib o'tamiz, Alba "Barselona" tarbiyalanuvchisi hisoblanadi. U 2012 yilda jamoaga qaytdi va 442 uchrashuvda maydonga tushib, 25 gol va 95 golga assistentlik qildi. "Barselona" bilan birgalikda himoyachi 15 ta sovrinni qo'lga kiritdi.