Yarim himoyachi Serxio Buskets "An-Nasr" klubida Krishtianu Ronalduning jamoadoshi bo'lishi mumkin.

Insayder Moyzes Lorensning xabar berishicha, Saudiya klubi "Barselona"ning 34 yoshli yarim himoyachisiga 13 million evrolik shartnoma taklif qilgan.

Qayd etilishicha, hozircha Serxio Buskets kelajagi borasida bir qarorga kelmagan. Futbolchi turli variantlarni, xususan, "Barselona" bilan shartnomani uzaytirish variantini ko'rib chiqmoqda.

Serxio Buskets butun faoliyatini "Barselona"da o'tkazdi. “Ko'k-anorranglilar”ning asosiy tarkibida yarim himoyachi 699 ta o'yin o'tkazib, 18 ta gol urgan va 42 ta golli uzatmani hamkorlariga bergan.