"Barselona" "Atletiko Madrid"ga qarshi qiyin o'yin o'tkazdi. Kataloniyaliklar raqibni minimal 1:0 hisobida mag'lub etishdi.

Uchrashuvning oxirida Torresning chetlatilishi g'alaba soyasida qolib ketdi. Ferran Savich bilan janjallashib ketdi, buning uchun har ikki futbolchi maydondan chetlatildi.

Yarim himoyachining o'zini yaxshi tutmasligi Xaviga jiddiy muammo tug'diradi.

Mutlaqo foydasiz joydagi kurash va qizil kartochka Ferranning bir necha o'yinga diskvalifikatsiya qilinishiga olib keladi. Robert Levandovski "Osasuna"ga qarshi o'yinda hakam uchun "shirali" so'zlar aytgani uchun 3 ta o'yinga diskvalifikatsiya qilingan bo'lsa, Torres 12 ta o'yingacha chetlatilishi mumkin. Xavida endi hujum chizig'ida birgina qulay variant qoladi - Ansu Fati.

Xavining o'zi Ansu va Ferran Levandovskining o'rnini egallashini aytgandi. Endi Torres jamoaga yordam bera olmaydi, aniqki, Fati ma'suliyatni o'z bo'yniga olishi kerak. Xavi shuningdek Memfisdan ham foydalanishi mumkin, ammo murabbiyning so'zlariga ko'ra, niderlandiyalik varianti hozirda unchalik ma'qul emas.

"Blaugrana" La Ligadagi navbatdagi ikkita o'yinini "Real Betis" va "Xetafe"ga qarshi o'tkazadi.